Blogia

orientaremedios

O diálogo na familia

Un factor moi importante para manter unida a unha familia é o diálogo. Pero dialogar non só é emitar palabras seguidas unhas doutras, dialogar é tamén escoitar.

Acontece, moitas veces, que co ritmo que seguimos hoxe en día no noso quefacer diario nos esquecemos de parar un momento e de falar cos nosos fillos e escoitar o que eles nos teñen que dicir, cales son as súas preocupacións, dúbidas, soños, desexos, inquedanzas...

Aínda así, crear un clima de diálogo na familia non é tarefa fácil.

Aquí propoñemos unha serie de consellos que poden axudar a crear un mecanismo que facilite a comunicación:

  • Tentar dar a información dun xeito positivo.
  • Empatizar ou poñernos no lugar do outro.
  • Non contradicirnos nas nosas mensaxes.
  • Escoitar con atención e interese.
  • Crear un clima emocional que facilite a comunicación.
  • Pedir a opinión dos demais.
  • Expresar e compartir sentimentos.
  • Ser claros á hora de pedir algo.

¿Y esta publicidad? Puedes eliminarla si quieres

¡Quiero más!

¡Quiero más!

¡Quiero más! é un libro de Cristina e Geles Duch Canals.

Neste libro dáse resposta ás dúbidas máis habituais dos pais preocupados pola alimentación dos seus fillos e achégase un completo recetario para preparar platos sans, nutritivos e saborosos. As receitas de ¡Quiero más! son moi fáciles, e pódense elaborar sen pasar moito tempo na cociña.

 

 

¡Enséñame a ser feliz!

¡Enséñame a ser feliz!

¡Enséñame a ser feliz! La primera guía para educar en la felicidad é un libro de Àngels Ponce e ilustrado por Miguel Gallardo.

Todas as nais e pais teñen un único desexo: que os seus fillos sexan felices, pero ¿realmente faise algo para que sexa así?

En ¡Enséñame a ser feliz! a autora quere demostrar, con sinxelos exercicios e propostas prácticas, que educar para a felicidade é posible, só temos que ensinalos a valorar o que teñen, a querer e a respectar ás persoas que os rodean, a saber perdoar, a ser críticos, a soñar, a relaxarse, a aceptar que as cousas non sempre son como eles queren...

Lede xuntos o libro e axudaredes aos vosos fillos a afrontar con madurez o futuro.

Pórtate bien

Pórtate bien

Pórtate bien. El método para entender y educar a tus hijos, é un libro de María Luisa Ferreirós, publicado pola editorial Planeta.

Os nenos non nacen cun libro de instrucións debaixo do brazo e, a miúdo, os pais atópanse cun milleiro de situacións cotiás das que é difícil saír.

 

Só coñecen o non como resposta, non soltan o chupete de ningún xeito, pelexan constantemente entre os irmáns, os horarios son caóticos, non hai maneira de que fagan os deberes, e os pais pregúntanse: ¿Por que non obedecen á primeira? ¿Por que non hai xeito de que se vaian á cama? ¿Por que se opoñen por norma a calquera cousa que lles proponemos? ¿Por que só se portan ben cando están fóra da casa? ¿Por que se enfadan con tanta facilidade? ¿Por que parece que os que mandan na familia son os nenos e non os pais?

 

O obxectivo desta obra é ofrecer un produto atrativo e eficaz para poñer en práctica o método educativo. Deste xeito, a adquisición dos hábitos diarios convértese nun xogo entre os pais e fillos que enriquece e reforza a relación.

Se queredes obter máis información sobre María Luisa Ferreirós, podedes consultar: http://www.metodoferreros.com/index.php

SOL

SOL

SOL é un Servizo de Orientación da Lectura.

Nesta páxina http://www.sol-e.com/index.php podedes atopar:

  • Recomendacións de libros para nenos e nenas de 0 a 18 anos.
  • Libros para a familia.
  • Lecturas recomendadas.
  • Un apartado especial para as familias con suxestións para a biblioteca familiar, lecturas para a fin de semana, asesoría...

 

 

¿Y esta publicidad? Puedes eliminarla si quieres

As compras do Nadal...

As compras do Nadal...

Nestes días comezanse a facer as compras para os agasallos do Nadal. Dende aquí queremos ofrecervos unha serie de suxestións:

 

1. Coñecer cales son os xoguetes máis axeitados a cada idade.

2. Dosificar os agasallos ao longo das festas para que así os nenos e nenas vaia gozando dos xoguetes durante as vacacións.

3. Os xoguetes deben servir para que o neno ou nena xogue, pero tamén para que desenvolva a súa imaxinación.

4. Escoller o agasallo de acordo coas características psicolóxicas dos menores. Aos nenos ou nenas retraídos sonlles moi útiles os xogos que animan á participación doutros nenos. Aos hiperactivos, agasallos que animen a un uso proveitoso do exceso de enerxías, como construcións ou aparellos musicais sinxelos.

5. Non facer nin dicir nada que poida fomentar a envexa ou a comparación cos agasallos que reciben amigos ou compañeiros.

6. Negarse radicalmente a agasallar un xoguete que se considere sexista ou bélico.

7. Combinar os xoguetes que adoitan pedir os menores con outros máis didácticos.

8. Os nenos e nenas deben saber que os xoguetes teñen un prezo e as dispiñibilidades económicas, un límite. Hai que evitar que se convirtan nuns “consumistas irracionais e caprichosos”.

Non esquezades os libros. Está comprobado que a lectura de contos dos pais aos nenos, dende a infancia, axúdalles a desenvolver a linguaxe e a imaxinación.

 

Agasallos de 2 a 6 anos

Agasallos de 2 a 6 anos

  • Xoguetes para construír, encaixar e mellorar a súa habilidade manual.
  • Xoguetes para imitar escenas familiares e profesionais: bonecas e complementos, enseres médicos, construcións mecánicas...
  • Xoguetes para fomentar a creatividade: para colorear, debuxar, pegar...
  • Xoguetes didácticos, de colaboración entre iguais.
  • Triciclos, patíns...

Agasallos de 6 a 10 anos

Agasallos de 6 a 10 anos

  • Xoguetes para o aire libre: patín, bicicleta, xogos de mesa e estratexia simple.
  • Construcións de diferentes tipos e traballos manuais.
  • Xoguetes de experimentación e investigación do medio natural.
  • Para imitar escenas fantásticas: espías, heroes de banda deseñada, cine ou televisión...

¿Y esta publicidad? Puedes eliminarla si quieres